DC Nyasa azindua upandaji miti

Posted on: February 17th, 2022

Wilaya ya Nyasa Tarehe 17/02/2022,  imezindua Zoezi la Upandaji miti, ili kulinda Vyanzo vya maji na kuhifadhi Mazingira, Uzinduzi ambao umefanyika katika Viwanja vya IKulu Wilayani hapa.

Akizindua siku ya upandaji miti, Wilayani hapa  Mkuu wa Wilaya ya Nyasa, Kanali Laban Thomas  amewataka wananchi kuhamasika na kupanda miti aina ya Mitiki katika maeneo ya Makazi, na mashamba ili Kuhifadhi mazingira, kutunza vyanzo vya maji na kujiongezea kipato ili waweze kupambana na umaskini, kwa kuwa misitu ya asili imevamiwa na imekutana na changamoto ya kuvunwa mbao na kuni kwa matumizi ya Binadamu.

Ametoa rai kwa wananchi wote kupanda miti katika viwanja vyao na mashamba kwa kuwa miti hii ni ya kibiashara ambayo itawanufaisha wananchi wa wilaya ya Nyasa na Vizazi vijavyo.pia amewataka wakuu wa shule kupanda miti hiyo katika maeneo ya Shule.

Awali akitoa Taarifa ya Upandaji miti ya Wilaya ya Nyasa Afisa Maliasili wa Wilaya ya Nyasa Bugingo Bugingo amesema Lengo la upandaji miti, ya kibiashara Wilaya ya Nyasa kwa msimu huu wameweka lengo la kupanda miti milioni moja na Laki sita na mpaka sasa, tayari miti laki nane imeshapandwa na wananchi wanaendelea kupanda miti hiyo ya Mitiki.

Aidha amesema Sekta ya misitu Wilayani Nyasa inachangamoto ya wananchi kulima katika maeneo ya misitu na vyanzo vya maji, ukataji wa miti ovyo hali inayotishia uwepo wa misitu ya asili, na uchomaji moto, Ametoa wito kwa Viongozi wa kata na Vijiji kusimamia sheria ya  mazingira ili uwepo Kutunza mazingira.

Kwa upande wa wananchi waliohudhuria wamempongeza Mkuu wa Wilaya ya Nyasa kwa kuwahamasisha kupanda miti nao watapanda kwa jitihada ili waweze kuvuka lengo hili kwa kuwa itawafaidisha hapo baadae