Dc Nyasa awataka viongozi wa Kata Vijiji na Vitongoji kusimamia miradi ya maendeleo

Posted on: July 15th, 2024

Mkuu wa Wilaya ya Nyasa mhe.Peres Magiri, amewataka Viongozi wa Kata , Vijiji na Vitongoji kusimamia kikamilifu miradi ya maendeleo inayotekelezwa katika maeneo yao.

Ameyasema hayo tarehe 15/07/2024 wakati akitembelea na kukagua miradi ya maendeleo katika Kata ya Kilosa wilayani Nyasa.

Mhe Magiri amefafanua kuwa, Viongozi wote waliopo katika ngazi ya Kata Vijiji na Vitongoji wanatakiwa kushiriki na kusimamia kikamilifu miradi ya maendeleo, inayotekelezwa katika maeneo yao Ili itekelezwa kwa ubora unaotakiwa.

Ameongeza kuwa kamati za miradi zinatakiwa kutekeleza majukumu yao ipasavyo Ili jamii ijue kinachoendelea katika mradi, na Ione faida ya miradi ikiwa ni pamoja na kutekeleza kwa wakati na mradi utatue changamoto za wananchi.

"Ninawaagiza Viongozi wote waliopo katika ngazi ya Kata Vijiji na Vitongoji wanatakiwa kushiriki kikamilifu katika utekelezaji wa miradi inayotekelezwa katika maeneo yao, kwa kuwa ni kazi ambazo wanatakiwa kuzifanya wakati wote"

Mh.Magiri amekagua mradi wa Ujenzi wa madarasa katika shule ya Sekondari Limbo, Ujenzi wa Nyumba na madarasa katika shule ya msingi Likwilu, Ujenzi wa Sekondari ya Kisasa ya Lovund na Ujenzi wa Bweni la wenye mahitaji maalumu katika shule ya msingi Kilosa wilayani Nyasa.

Aidha ameridhishwa na Ujenzi wa miradi inayotekelezwa na kuwataka kuongeza Kasi ya Ujenzi Ili miradi itatue changamoto za wananchi.

Amempongeza mhe.Rais wa Tanzania Dkt Samia Suluhu Hassan kwa kuipa Wilaya ya Nyasa fedha za utekelezaji wa miradi ya maendeleo.