DC Nyasa awafunda wakuu wa shule,awataka kuzingatia maadili na kutatua changamoto

Posted on: March 26th, 2024

Mkuu wa Wilaya ya Nyasa mh, Peres Magiri amewataka wakuu wa shule kusimamia maadili kwa walimu na wanafunzi na kutumia Raslimali zilizopo karibu na shule Ili kutatua changamoto mbalimbali zinazowakabili.

Ameyasema hayo tarehe 26/03/2024 wakati akifungua mkutano wa kwanza wa umoja wa wakuu wa shule mkoa wa Ruvuma (TAHOSSA) unaofanyika kwa siku mbili katika Ukumbi wa VETA Nyasa, wilayani hapa.

Amefafanua kuwa wakuu wa shule ni viongozi muhimu sana, wanaotakiwa kulinda maadili ya walimu na wanafunzi wawapo shuleni,hivyo wanatakiwa kuwalinda wanafunzi na kiwaongoza walimu watimize majukumu yao.

Aidha amewaagiza wachukue hatua stahiki ikiwa ni pamoja na kutoa taarifa kwa mamlaka zinazohusika kama walimu watabainika kuwa na tabia zinazokiuka Sheria .

Amewataka wakuu wa shule kutumia Raslimali zilizopo karibu na shule zao Ili kutatua changamoto mbalimbali zinazowakabili kama vile upungufu wa madawati kwa kutumia misitu inayomikiwa na vijiji/Tfs Ili  kuvuna mbao na kimaliza tatizo la ukosefu wa madawati.

Amempongeza Rais wa Jamhuri ya muungano wa Tanzania  Dkt Samia Suluhu Hassan kwa kukupa malimbikizo na madeni ya walimu na kuwatakia wafanye kazi kwa juhudi na maarifa.  

Awali akimkaribisha mgeni rasmi mwenyekiti wa TAHOSSA Mkoa wa Ruvuma amesema lengo la kikao hicho ni kubadilishana uzoefu kwa  wakuu wa shule juu ya kuoresha Taaluma na kukuza ufauli katika  shule zao na kupokea maagizo ya Serikali yenye lengo la kuoresha Taaluma.