DC NYASA Atoa Maagizo makali kuboresha Lishe wananchi wa wilaya ya Nyasa

Posted on: December 20th, 2024

YALIYOJIRI MAADHIMISHO YA SIKU YA LISHE WILAYA YA NYASA Tarehe 20/12/2024.

Halmashauri ya Wilaya ya Nyasa imeadhimisha siku ya Lishe yenye lengo la kutoa elimu ya Afya kwa wananchi na kuwahamasisha waweze kula vyakula bora ili wajenge Afya zao.

Maadhimisho haya yamefanyika katika Viwanja vya Ofisi ya Afiasa Mtendaji Kijiji cha Kingerikiti, Kata ya Kingerikiti Wilayani Nyasa, na Mgeni Rasmi ktika Maadhimisho hya ni Mkuu wa Wilaya ya Nyasa Mhe. Peres Magiri aliyewakilishwa na Afisa Tawala Wilaya ya Nyasa Bw. Benedicto Nsindagi.

Akihutubia katika Mkutano huo amewataka wananchi wa Wilaya ya Nyasa kuhamasika kulima mazao ya chakula na matunda ili kuboresha Afya zetu na watoto ili kujenga jamii bora.

Amefafanua kuwa wananchi wengi kwa sasa wamejikita kulima mazao ya kibiashara pekeyake kama kahawa, na kusahau kulima mazao ya chakula yanayoboresha Aya zetu hivyo nitoe wito kwajamii hasa tukiwa tunaelekea msimu wa Kilimo kuhakikisha kila shamba linakuwa na mazao ya chakula na matunda.

“Nachukua fursa hii kuwa hamasisha wnanchi wa Wilaya ya Nyasa kulima mazao ya Chakula kwa wingi ili tujitosheleze kwa chakula na matunda na sio kujisahau kulima mazao ya kibiashara peke yake kwa kuwa ili tuweze kuwa na maendeleo mtaji mukubwa ni Afya bora.

Ametoa maagizo ya kila shule ihakikishe inatoa chakula mashuleni na kuhamasisha milo bora kila unapokula chakula.Nawaagiza kuwa kila familia izingatie mlo bora yaani kuwe na mchanganyiko wa vyakula yaani Nafaka matunda na mbogamboga.

Awali akiwakilisha Taarifa fupi ya siku ya Lishe kwa Wilaya ya Nyasa Teresia Mukama Afisa Lishe wa Halmashauri ya Wilaya ya Nyasa, amesema Halmashauri ya Wilaya ya Nyasa inaendelea na uhamasishaji wananchi kutumia vyakula mbalimbali mchanganyiko wakati wote wanapokula na hatimaye kuwa na wananchi wenye afya bora watakaozalisha mali.

Aidha amesema Elimu ya Lishe imesaidia kuboresha afya za wananchi na shule zimekuwa zikihamasika kutoa chakula na kuchoche ari ya kujifunza kwa wanafunzi.

Ametoa wito kwa wananchi kuendelea kuzingatia kula chakula bora hasa kwa akinamama wajawazito watoto na jamii kwa ujumla.

Maadhimisho haya yamepambwa na Ngoma ya asili za kioda, Muhambo zilizokuwa zikitoa ujumbe wa kuhamasisha Lishe bora, wataalam wa Halmashauri wakitoa Elimu ya Lishe, na upimaji wa maginjwa yasiyoambukizwa, Sukari,Shinikizo la damu