Dc Nyasa atembelea miradi ya Boost awataka mafundi kukamilisha Kwa wakati na ubora

Posted on: June 5th, 2023

Mkuu wa Wilaya ya Nyasa mh.Filberto Sanga, akiwa na kamati ya Ulinzi na usalama na wakuu wa Idara na Vitengo tarehe 05/06/2023 amefanya Ziara ya kikazi ya kutembelea, na kukagua miradi ya Maendeleo katika kata ya Kilosa na Mbamba bay Wilayani Nyasa.

Miradi aliyotembelea ni mradi wa Ujenzi wa Bwalo la chakula unaogharimu TSH milioni 150 fedha za ruzuku Toka Serikali kuu, mradi wa ukamilishaji wa Bweni la wasichana milion 40 katika Shule ya Sekondari Limbo.

Miradi mingine, ni mradi Boost wa shule mpya ya msingi Kilosa wenye thamani ya TSH milioni 370, ambao uko ngazi ya msingi, mradi wa ukamilishaji wa darasa Moja na Ofisi shule ya msingi Mbamba bay, mradi wa GPE LANES II

TSHS. 22,000,000, pamoja na mradi wa boost katika Shule ya msingi Nangombo, madarasa 2 mradi ambao unaogharimu TSH milioni 77.

Amewataka mafundi kufanya kazi Kwa bidii na kuhakikisha kuwa wanakamilisha Kwa wakati Na ubora ifikapo Juni 30. 2023.

Aidha amewaagiza mafundi Ujenzi wote kuhakikisha wanajenga Kwa kufuata vipimo vilivyotolewa na Serikali na kuzitaka kamati zote kuhakikisha zinatekeleza majukumu yake Kwa kufuata Sheria kanuni na taratibu.