DC Nyasa atembelea Chiwindi Mpaka wa Tanzania na Msumbiji

Posted on: July 12th, 2024

Mkuu wa Wilaya ya Nyasa Mhe. Peres Magiri akiambatana na Kamati ya Usalama ya Wilaya, ameendelea na Ziara yay a Kikazi na Tarehe 11.07.2024 ametembelea na kukagua Mpaka wa Nchi ya Tanzania na Msumbiji eneo la Mto Chiwindi Wilayani Nyasa.

Akiwa katika Mpaka huo amepata maelezo ya hali Usalama, Toka kwa Kamanda wa Kiteule cha Chiwindi, Luteni Nurdin Jumanne Kidee kutoka Nchini Tanzania na Askari wa Msumbiji  Sajenti Manuel Luis Dos Santos

Mhe.Magiri amefafanua kuwa Lengo la kutembelea Mpaka huo ni kupata maelezo ya hali ya Ulinzi na Usalama katika Mpaka huo, na ameshauri uwepo wa kituo cha Pamoja cha ujirani mwema (One stop center) ambapo Vituo vyote vya Uhamiaji, Vitakuwepo katika Mpaka huo ili kutoa Huduma bora kwa wananchi watakaokuwa wakisafiri au kuvuka Mpaka wa Tanzania na Msumbiji.

Amewataka wananchi wanaoishi katika Eneo la Chiwindi kuhakikisha usalama unakuwepo muda wote na kutoa Taarifa kama wataona jambo ambalo sio la kawaida.

Ametoa wito kwa wananchi wa kata ya Chiwanda kudumisha Amani na Utulivu ikiwa ni pamoja na kulinda amani katika Maeneo yao.

Pichani ni Mkuu wa Wilaya ya Nyasa akiwa katika Eneo la Mto Chiwindi ambao ni Mpaka wa Kimataifa wa Nchi ya Msumbiji na Tanzania.