Dc Nyasa asikiliza na kutatua kero -Songambele , Nyasa

Posted on: August 15th, 2024

Mkuu wa Wilaya ya Nyasa Mhe. Peres B. Magiri, ameendelea na ziara yake ya kikazi tarehe 14 Agosti 2024 katika kijiji cha Songambele kata ya Kihagara Wilayani hapa.

 Akiwa katika ziara hiyo amefanya mkutano wa hadhara na wananchi wa kijiji cha Songambele.

Akizungumza katika mkutano huo, amewataka Wananchi kushiriki katika Uchaguzi wa Viongozi wa Serikali za Mitaa, Mhe. Magiri amewataka Wananchi kujitokeza katika kujiandikisha katika Uboreshaji wa Daftari la Kudumu la Mpiga Kura, ambapo kitaifa zoezi hilo limezinduliwa rasmi Mkoani Kigoma tarehe 20 Julai 2024 na Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa.

Amefafanua kuwa zoezi hilo la Uboreshaji wa Daftari la Mpiga Kura linafanyika kwa awamu katika Mikoa na Wilaya. Zoezi hilo limeanza katika Mikoa ya Kigoma,Tabora na Katavi. Hivyo amewataka wanachi kujitokeza kwa wingi katika kujiandikisha katika daftari hilo pindi zoezi litakapofanyika katika wilaya yetu.

Pia, amewataka Viongozi  wa Vyama vya Siasa kutumia majukwaa yao ya kisiasa kuhamasisha  wanachama wao, kujitokeza katika zoezi la Uboreshaji wa Daftari la Kudumu la Mpiga kura na Viongozi wa Dini kutumia nafasi zao za kiuongozi kuelimisha na kuhamasisha  Waumini wao waliofikisha umri wa miaka18  kujitokeza katika kujiandikisha katika Uboreshaji wa Daftari la kudumu la Mpiga Kura.

Mh.Magiri, amewaasa Wanawake kujitokeza katika kuwania na kuchukua fomu za kugombea nafasi za uongozi katika uchaguzi wa za serikali za mitaa. “Wanawake mnapaswa kujiamini na kugombea nafasi hizo kwani wanawake  wanaongoza vyema wanapopata nafasi za Uongozi.

Vilevile, amewataka wanachi wote kuwa mabalozi wa kufikisha ujumbe wa wananchi wengine ambao hawajapata wasaa wa kuhudhuria katika kikao hiki, kuwa wanatakiwa kijtokeza katika  Uboreshaji wa Daftari la Kudumu la Mpiga Kura mwaka huu.