Dc Nyasa asikiliza kero za wananchi "Kijiji kwa Kijiji "

Posted on: August 15th, 2024

Mkuu wa Wilaya ya Nyasa Mhe.Peres B.Magiri, ameendelea na  ziara yake ya  kikazi, tarehe 14-08-2024 Katika Kijiji cha Ngehe kata ya Kihagara Wilayani Nyasa .  

Ziara hii inelengo la  kutembelea na kukagua Miradi mbalimbali ya Maendeleo Wilayani hapa.

Akiwa katika kijiji Cha Ngehe ,amefanya mkutano wa hadhara na wananchi  wa kusikiliza na kutatua kero na changamoto mbalimbali za wananchi

Akizungumza katika mkutano huo, amewataka wananchi kujishughulisha na kilimo cha zao la kakao ambalo linastawi vizuri katika maeneo ya ukanda wa Ziwa Nyasa. Aidha amewataka wananchi kutotegemea  shughuli za uvuvi pekee ili kujiingizia kipato bali wajihusishe na kilimo cha mazao mbalimbali ambayo ni rafiki katika maeneo yao.

Amewataka wananchi wote kushiriki katika kujiandikisha na uboreshaji wa taarifa katika daftari la kudumu la kudumu la wapiga kura, kwa wale wenye vigezo na pia Kushiriki uchaguzi wa serikali za Mitaa amabao utafanyika Mwakaa huu 2024 kwa kugombea au kuchagua viongozi katika ngazi ya serikali za Mitaa kwa maana ndiyo sauti ya wananchi.