Dc Nyasa apiga marufuku uvuvi haramu Nyasa,msako nyumba Hadi nyumba kuanza Leo.

Posted on: June 17th, 2023

YALIYOJIRI Kikao Cha mkuu wa Wilaya ya Nyasa na wafanyabiashara na wadau wa Uvuvi.

Mkuu wa Wilaya ya Nyasa tarehe 17/06/2023 amepiga marufuku uwepo wa Nyavu haramu na kuwaagiza viongozi wa vijiji, kata na Halmashauri pamoja na vyombo vya Ulinzi na usalama kuhakikisha hakuna uvuvi haramu unaoendelea, Wilayani Nyasa.

 Ameyasema hayo katika kikao Cha Wadau wa uvuvi Cha kujadili Maendeleo ya uvuvi salama na endelevu chenye lengo la kuboresha Uvuvi Wilayani hapa kilichofanyika katika Ukumbi wa Baylive mjini Mbamba bay.

Amefafanua kuwa tatizo la nyavu haramu ni la muda mrefu linaloathiri shughuli nzima za uvuvi na mazao yake,awali akitoa mwezi mmoja kuhakikisha Nyavu zote zinazoua mazalia ya samaki (Nyavu haramu) wazisalimishe na muitikio umekuwa chanya Kwa wananchi, japokuwa Kuna wengine ambao  hawajatii maagizo hayo.

Aidha amewataka wananchi kuendelelea kurudisha Nyavu hizo na msako wa nyumba Hadi nyumba unaanza mara moja.

Aidha amesema lengo kuu la kutokomeza uvuvi haramu ni kuboresha mazingira mazuri ya uvuvi ikiwa ni pamoja na kununua zana Bora za uvuvi na kutoa mikopo Kwa wavuvi na wafanyabiashara ya Uvuvi.

Amewatoa hofu Kwa kuwaambia Serikali Wilayani Nyasa imeandaa mpango wa kuboresha sekta ya Uvuvi na wataanza hivi karibuni kutekeleza.

Wakizungumza katika kikao hicho wadau na viongozi, wamempongeza mkuu wa Wilaya ya Nyasa Kwa kuhakikisha Uvuvi haramu unakomeshwa katika Wilaya ya Nyasa na kumwambia wanaunga mkono juhudi hizi na watampa ushirikiano.

Naye Mkurugenzi Mtendaji wa Halmashauri ya Wilaya ya Bw.Khalid A.Khalif amesema atahakikisha anawasimamia watendaji wa Kata na vijiji na kutokomeza uvuvi haramu.

Waalikwa ni Madiwani, Wenyeviti vijiji WEOs, VEOs, Viongozi wa BMUs Wafanyibiashara za huduma ktk uvuvi Wataalamu ws uvuvi, Wakuu wa idara DED, DC & Kamati ya ulinzi