Dc Nyasa amtaka mkandarasi kukamilisha mradi wa maji Malungu ifikapo 17/01/2024

Posted on: October 27th, 2023

MKuu wa Wilaya ya Nyasa MH. Filberto Sanga amemtaka mkandarasi Peace Construction ltd anayetekeleza wa maji wa Malungu kuhakikisha anakamilisha mradi huu ifikapo tarehe 17/01/2024.

Ameyasema hayo tarehe 27/10/2023 alipofanya Ziara ya kikazi ya kutembelea mradi huo ambao umefikia asilimia 58 ya utekelezaji wake na unatarajia kuwanufaisha wananchi 9659 kutoka viji vya Malungu na Tingi.

Mhe. Sanga amefafanua kuwa Mradi ni WA muhimu sana Kwa wananchi wa Kata ya Tingi hivyo unatarakiwa ukamilike Kwa wakati ili uwanufaishe wananchi hao.

Ameongeza kuwa anampongeza Rais SAMIA Suluhu Hassan na Mbunge wa Jimbo la Nyasa,Kwa kuipa miradi mingi Halmashauri ya Nyasa ambayo inalenga kutatua changamoto za wananchi hususani mradi huu wa maji.

Kwa upande wa wananchi wameishukuru Serikali Kwa kutatua kero ya maji iliyopo katika vijiji na kumtaka mkandarasi kukamilisha kazi Kwa wakati.

Awali akisoma taarifa ya utekelezaji ya Mradi Meneja wa RUWASA Wilaya ya Nyasa mhandisi Masoud Samila amesema Serikali imetoa TSH 487,530,225 kupitia mfuko wa Taifa wa maji na Serikali kuu.

Amezitaja kazi zilizofanyika ni Ujenzi wa mtego wa maji,uchimbaji wamtarobna ulazaji Bomba kuu ,Ujenzi wa tank la maji Lita 100,000 ma Ujenzi wa vituo 11 vya kuchotea maji.

Na amesema Mradi utawanufaisha wananchi Kwa kupunguza magonjwa mbalimbali ya mlipuko ,na jamii kupata mda mwingi wa kufanya shughuli za maendeleo.