DC NYASA AMPONGEZA MWANANCHI ALIYETOA BURE MAENEO YA KUJENGA SEKONDARI LIWUNDI

Posted on: December 17th, 2021

Mkuu wa Wilaya ya Nyasa Kanali Laban Thomas, amempongeza mwananchi Andrea Kalela  Ndimbo kwa kutoa eneo lake la Hekari 20 na kuipa Serikali kwa ajili ya Ujenzi wa Shule ya Sekondari Liwundi, inayotarajia kuanza kujengwa hivi karibuni katika Kata hiyo ili kutatua changamoto ya Ukosefu wa Shule ya Sekondari katika Kata hiyo.

ameyasema hayo leo wakati akikagua miradi ya ujenzi wa madarasa katika shule za sekondari ya Limbo, Mbamba bay na St paul Liuli miradi ya Uviko 19, na kuongea na wanakamati wanaosimamia miradi na kuwataka kuendelea kukamilisha ujenzi huo ifikapo Desemba 20 mwaka huu.

Kanali Laban amempongeza Rais wa Tanzania , Mh. Samia Suluhu Hassan Kwa kutatua Changamoto ya Ukosefu wa miundimbinu wa Madarasa katika shule za Msingi na Sekondari kwa kuipa fedha Wilaya ya Nyasa, Hivyo tunakila sababu ya kuhakikisha miundombinu hiyo inakamilika haraka iwezekanavyo kwa ushirikiano kati ya wananchi na Serikali.

Ameongeza kuwa wananchi wa Nyasa ni wanajitoa hasa katika maendeleo na amemshukuru kwa dhati bwana Kalela Ndimbo aliyeipa eneo lake Serikali, kwa ajili ya kujenga Shule ya Sekondari Liwundi kwa kuwa Kata hiyo ilikuwa haina Shule ya Sekondari na wanafunzi wanalazimika kutembea umbali mrefu kwenda kusoma shule ya Sekondari Ngumbo.

Aidha amewataka wananchi wengine wa Wilaya ya Nyasa kuiga mfano wa kujitolea aliouonyesha Mr Ndimbo kwa kutoa eneo lake bila masharti yoyote kwa ajili ya kutekeleza Mradi wa Ujenzi wa Shule ya Sekondari Liwundi.