DC NYASA AKABIDHI PIKIPIKI MBILI KWA VYOMBO VYA WATUMIA MAJI NGUMBO NA LITUHI

Posted on: January 23rd, 2025

MKUU wa Wilaya ya Nyasa Mhe. Peres Magiri  tarehe 23.01.2025 amekabidhi pikipiki 2 zilizonunuliwa na Serikali kupitia Mradi  wa Maji wa Ngumbo awamu ya kwanza, kwa  Vyombo viwili vya Watumia Maji NGULIWSO cha Kata ya Ngumbo na Liwundi  na LILIMBAWSO Cha Kata ya Lituhi, Linga na Mbaha.

Makabidhiano haya yamefanyika katika Ofisi ya Mkuu wa Wilaya ya Nyasa, na kuhudhuriwa na wananchi watumishi na Viongozi mbalimbali wa Chama na Serikali.

Akikabidhi pikipiki hizo Mkuu wa wilaya ya Nyasa amemshukuru Rais DKT Samia Suluhu Hassan kwa kuipa Wilaya ya Nyasa pikipiki 2 na Miradi ya Maji ambayo inatatua changamoto za wanachi hivyo basi, amewataka wanaopokea pikipiki wakazitunza na kuzitumia kwa manufaa ya wananchi.

Ameongeza kuwa Nawakabidhi pikipiki hizi zikatatue changamoto za wananchi kwa kukimbilia kutengeneza bomba kama maji yamekatika na kutoa huduma bora kwa wananchi.

“Ninawakabidhi pikipiki hizi zikatumike vizuri kwa kutatua changamoto kwa wananchi kwa kukimbilia kutengeneza bomba, maji yakikatika na kutoa huduma bora kwa wananchi. Zisitumike kubebea abiria na kupata fedha  kwa manufaa ya mtu binafsi  tukimbaini tutamchukulia hatua kali za kisheria”.

Awali akitoa Taarifa fupi Mhandisi Masoud Samila, Meneja wa Ruwasa Wilaya ya Nyasa amesema pikipiki hizi zinakwenda kutatua kero ya usafiri kwa vyombo viwili vya watumia maji na kuongeza Usimamiziwa miradi ya maji, kwa kuwa Wilaya ina vyombo 8 vya watumia maji na kwa sasa vyombo 5 kati ya 8 havina usafiri.

Mhe. Cosmas Nyoni Diwani wa wa Kata ya Ngumbo kwa niaba ya wananchi wake ameishukuru Serikali kwa kutatua changamoto ya Maji na usafiri Ngumbo , amesema wananchi wa Kata ya Ngumbo wanaishukuru sana Serikali kwa kutatua kero mbalimbali.

Mbunge wa Jimbo la nyasa Mhandisi Stella manyanya, amesema Serikali inaendelea kutatua changamoto za wananchi katika Jimbo la Nyasa na amewataka wananchi  kumshukuru na kuwanae  bega kwa bega Rais DKT Samia Suluhu Hassan kwa kuwa anaipenda Nyasa na anatatua changamoto za wananchi.