DC Nyasa akabidhi pikipiki 06 kwa Watendaji Kata

Posted on: February 20th, 2023

Halmashauri ya Wilaya ya Nyasa Tarehe 20.02.2023, Imegawa pikipiki 06 kwa maafisa Watendaji Kata kwa ajili ya  kutekeleza majukumu yao kwa ufanisi.

Hafla fupi ya Ugawaji pikipiki, imefanyika katika Viwanja vya Ofisi ya Mkurugenzi Mtendaji wa Halmashauri ya Wilaya ya Nyasa, na Mgeni Rasmi alikuwa ni Mkuu wa Wilaya ya Nyasa Mh. Filbetho Sanga akiwa akiwa ameambatana na Kamati ya Ulinzi na Usalama Wilayani hapa.

Akikabidhi Pikipiki hizo, Mh, Sanga amemshukuru na Kumpongeza  Rais wa Jamhuri ya Muungano wa Tanzania Mh. Samia Suluhu Hassan, kwa kutatua Changamoto mbalimbali za Watumishi akianza na kuwapandishia Mshahara na Posho za kujikimu na sasa anatatua changamoto ya usafiri kwa  Watendaji Kata, kwa kuwa walikuwa wanachangamoto kubwa ya usafiri.  amewataka,  kufanya kazi  kwa bidii kwa  kuwa wameshapewa usafiri hivyo, wahakikishe wanatatua changamoto za wananchi na kuongeza tija katika ukusanyaji wa mapato na kutoa huduma bora kwa wananchi.

Aidha amewataka kuzitunza pikipiki hizo na kuhakikisha wanazitumia kwa maslahi ya wananchi wa Wilaya ya Nyasa, na hatimaye kutengeneza utofauti kipindi hawana usafiri na sasa, baada ya kupata usafiri hasa katika kuongeza Ukusanyaji wa Mapato ya Serikali.

.Awali akitoa Taarifa Fupi, Kaimu Mkurugenzi Mtendaji wa Wilaya ya Nyasa Bw.Bernard Semwaiko ameishukuru Serikali, kwa kutatua Changamoto ya Usafiri kwa maafisa hao Nchini, kwa kuwa walikuwa wakishindwa kuwafikia wananchi  wengi ipasavyo, lakini kwa sasa wanaenda kufanya mabadiliko makubwa kwenye sekta ya Utawala.

Ameongeza kuwa Pikipiki hizo 06 Zimetolewa na Serikali kutoka Chanzo cha Kodi za Majengo na  wamepewa Watendaji Kata, ambazo ziko Pembezoni na zenye mapato kidogo na amezitaja kata hizo kuwa ni Mipotopoto,Liparamba,Upolo,Linga,Lituhi na Mbaha,kwa awamu ya kwanza na Amesema Serikali itaendelea kuo pikipiki zingine hadi kuwafikia Watendaji kayika kata zote 20 za Halmashauri ya Nyasa.

Na matarajio ya Halm ashauri ni kuona kuwa watendaji hao wanakusanya mapato ya Halmashauri na kuboresha utendaji kazi baada ya kupewa vitendea kazi hivyo.

Kwa Upande wao watendaji wa kata wamesema watazitunza pikipiki na kutekeleza majukumu yao ipasavyo kwa kuwa awali walikuwa na changamoto ya usafiri kwa sasa watafanya kazi kwa bidii na kuongeza mapato na kuwahudumia wananchi.