Dc Nyasa afanya Ziara ya kushtukiza ,akamata wajumbe 3 walioiba vifaa vya Ujenzi wa Zahanati Litolomelo.

Posted on: May 8th, 2024

Mkuu wa Wilaya ya Nyasa Mh. Peres Magiri, Ameziagiza Kamati za kutekeleza Miradi mbalimbali Vijijini kutimiza majukumu yake , vingevyo watachukulia Hatua kali za Kisheria.

Ameyasema hayo tarehe 08/05/2024 alipofanya ziara ya kikazi, katika Kijiji cha Litoromelo Kata ya Ngumbo na kukagua mradi wa Zahanati ya Kijiji hicho na kukuta Ubadhirifu wa Tsh million 3.4 uliofanywa na wajumbe wa kamati hiyo kwa kukiri kupokea vifaa vya ujenzi ambavyo havijatumika na havipo Stoo.

Amefafanua kuwa amefanya Ziara ya Kushtukiza kukagua Zahanati hiyo ambayo imepelelekewa million 50 na Serikali na wajumbe kwa makusudi wamefanya ubadhirifu huo hali wanayotaka kudhoofisha Mradi huu wa Zahanati.Amevitaja Vifaa vilivypokelewa na ambavyo havipo stoo ni  Box 60 za Malumalu,cement Nyeupe mifuko kumi,jipsum poda 8,ndoo za rangi 3,Rangi ya maji 1,Brush za kupakia rangi 2

Amewakamata wajumbe wa 3 wa kamati ya manunuzi,Ujenzi na Mapokezi pamoja na Kaimu Mtendaji wa Kijiji hicho kwa uchunguzi pamoja na kuhakikisha kuwa fedha ambazo zimeibiwa zinarudishwa mara moja.

Ametoa wito kwa kamati za ujenzi wilayani Nyasa kuhakikisha miradi yote inayopewa fedha za serkali inakamilika kwa wakati na kwa kiwango kinachotakiwa na kwa ubora bila ubadhirifu wa aina yoyote.Amemwagiza Mkurugenzi Mtendaji kuhakikisha miradi yote inasimamiwa na kamati zote zinafuatiliwa kwa ukaribu ili ziweze kutekeleza majukumu yake ipasavyo.

 Kwa upande wa wananchi wa Kijiji hicho wamempongeza Rais wa Tanzani Dkt Samia Suluhu Hassan kwa kuwapa fedha za kutekeleza mradi wa Zahanati hiyo na kutatyua changamoto ya kusafiri umbali mrefu