DC NYASA ACHANGIA MIFUKO 30 YA SARUJI

Posted on: July 16th, 2019

Mkuu wa Wilaya ya Nyasa, Bi. Isabela Chilumba  jana, ameukabidhi uongozi wa shule ya msingi Chiulu mifuko thelathini (30),  ya Saruji katika shule ya msingi, Chiulu iliyoko katika kijiji cha Chiulu Kata ya Mtipwili Wilayani hapa ili kutatua changamoto ya ukamilishaji darasa la awali.

Akikabidhi saruji hiyo, katika shule ya Msingi Chiulu Bi Chilumba amewataka wanafunzi kusoma kwa bidii na walimu wafundishe bila kujali changamoto zinazowakabili kwa kuwa Serikali inaendelea kutatua changamoto mbalimbali ambazo zipo katika sekta ya Elimu.

Bi Chilumba alifafanua kuwa alipofika katika mahafali ya kumaliza darasa la saba aliambiwa kuwa, kuna changamoto ya ukamilishaji wa darasa moja la awali ambalo wananchi wamejenga kwa nguvu zao.  wanauhitaji wa saruji ya mifuko thelathini (30) ili waweze kukamilisha na nikaahidi nitawapeni mifuko Mnayohitaji na leo ninawakabidhi mifuko mliyohitaji

Ninawataka mkamilishe kwa haraka darasa hili ili wanafunzi hawa wasome katika mazingira mazuri ili waweze kufaulu na walimu wafundishe kwa bidii.

Kwa upande wao wananchi wa kijiji cha Chiulu walimpongeza na kumshukuru Mkuu wa Wilaya kwa kuwatatulia changamoto ya mifuko ya saruji ambayo ilikuwa kero kwa wananchi wa kijiji hicho na kuahidi watatumia mifuko hiyo ya saruji  vizuri na na kumwomba azidi kuttua changamoto zingine zinazowakabili wkazi wa kata ya Mtipwili