DC Magiri awataka wananchi kujiunga na kupata Ujuzi VETA NYASA

Posted on: November 29th, 2024

Yaliyojiri Mahali ya Kwanza VETA Nyasa

Chuo cha Ufundi Stadi Veta Nyasa kimefanya Mahafali yake ya kwanza mahafali yaliyofanyika hivi karibuni  katika Viwanja vya Chuo hicho na Mgeni Rasmi katika Mahafali hayo ni Mkuu Wa Wilaya ya Nyasa Mhe. Peres Magiri .

Mhe. Magiri amewataka wananchi wa Wilaya ya Nyasa kusoma chuo cha VETA Nyasa kwa lengo la kupata  ujuzi utakaowasaidia kujiajiri, na kuongeza kipato kwa mtu mmoja, kaya na Taifa kwa ujumla. Uwezo wa Chuo hiki ni kuchukua wanafuznzi zaidi ya 160, lakini mpaka sasa chuo hiki kinadahili wanafunzi 80 hivyo basi tunatakaiwa kutumia fursa hii kupata ujuzi.

Mhe Magiri Ameongeza kuwa Elimu ya Ufundi haina mipaka ya umri cheo hivyo basi wananchi wote tunatakiwa kupata ujuzi ambao ambao utatusaidia kuongeza kipato cha ziada na kuboresha maisha yetu,

“ Nimejipa ubalozi wa kukitamgaza Chuo cha Ufundi Stadi Veta Nyasa, Sijaridhika na jinsi wananyasa tunavyokitumia Chuo hiki kwa kuwa bado tunakuwa na nafasi nyingi za kusoma lakini hatutaki kuleta vijana wetu. Nachukua fursa hii kuwataka viongozi na wananchi kwa ujumla wake kuhakikisha tunawaleta vijana wetu hapa wapate ujuzi wa Umeme,ushonaji,Magari, ujenzi, Useremala na Udereva.

Aidha amewapongeza wanafunzi ambao walikuwa wanaonyesha jisi mashine zinavyofanya kazi katika Karakana ya Ufundi magari, Umeme, na Ujenzi na kusema kuwa Chuo hiki kinatoa Elimu bora na wanachuo wameiva tayari kabisa kwenda kujenga Taifa la Tanzania.

Aidha amewasihi wahitimu kwenda vijijini na kutumia ujuzi wao kwa kuanzisha vikundi  kwa kufanya shughuli walizosomea na Serikali itawaunga mkono kwa kuwakopeshha Asilimia kumi ya mapato, badala ya kwenda mijini kupoteza muda.

Awali Mkuu wa Chuo hicho ameiomba Serikali kuendelea kuboresha miundombinu ya Umeme kwa kuwa kuna mashine za kisasa zinazotumia umeme mwingi zaidi ombi ambalo limepokelewa na Mkuu wa Wilaya ya Nyasa na limeanza kufanyiwa kazi.Aidha amewataka wazazi walezi kuwaleta wanafunzi katika chuo hicho kwa kuwa bado kinanafasi za kutosha kuwapa ujuzi wakazi wa Wilaya ya Nyasa.

Kwa upande wao wahitimu Wameridhishwa na elimu inayotwameomba kuboreshewa maeneo ya michezo na kuwataka vijana wengine kuja kujiunga na chuo hiki kwa kuwa kinatoa mafunzo bora.