DAWA YA KUTOJUA KUSOMA KUANDIKA NA KUHESABU IMEPATIKANA Nyasadc

Posted on: January 21st, 2025

MRATIBU BOOST NYASA ASEMA DAWA YA KUTOJUA KUSOMA, KUANDIKA NA KUHESABU IMEPATIKANA.

Mratibu wa Mradi wa BOOST Halmashauri ya Wilaya ya Nyasa, mkoani Ruvuma Gotfried Mapunda, ameishukuru Serikali ya Awamu ya Sita chini ya Rais Samia kwa kuwezesha walimu wa awali kupata mafunzo maalum ya kuwajengea uwezo katika ufundishaji na ujifunzaji.

Mapunda amesema kuwa mafunzo hayo yatawasaidia walimu kuboresha mbinu za kufundishia na kutengeneza zana za kufundishia, pamoja na kuisimamia miongozo inayohusiana na elimu ya awali.

Ameongeza kuwa walimu walioshiriki mafunzo hayo watakuwa chachu ya kuhamasisha wenzao kufuata taratibu sahihi za ufundishaji wa elimu ya awali. Mafunzo haya yamepangwa kufanyika kwa awamu mbili, yakianzia kwa walimu wa shule za awali na baadaye kusambazwa kwa shule zote wilayani humo na kumaliza tatizo la Wanafunzi wasiojua , kusoma, kuandika na kuhesabu.

“Mara baada ya mafunzo haya walimu watakuwa chachu ya kufikisha ujumbe kwa walimu wengine na tatizo la Wanafunzi kutojua kusoma kuandika na kuhesabu kuwa historia.,” amesema Mapunda .“Tunaishukuru sana Serikali ya Awamu ya Sita kwa kutuletea fursa hii muhimu.”

Mwalimu Eliana mwanakulya   mwalimu wa Awali  Shule ya Msingi Mango, na Mwalimu Tindwa wa shule ya msingi Undu Kata ya Mtipwili wamesema kuwa mafunzo  waliyopata yamewawezesha kuwa na maarifa thabiti ya kutoa elimu bora kwa Wanafunzi na kuwahamasisha kuipenda shule na kutumia zana Bora za kufundishia ili kutimiza malengo Yao.

Aidha wamebainisha kuwa matarajio ya mafunzo haya ni kuona mabadiliko chanya katika utekelezaji wa elimu ya awali kwa kushirikisha wadau wa shule na jamii ili kufanikisha lengo la mradi wa BOOST.