Daraja hili liitwe MH. Filberto Sanga-wananchi Kata ya Ngumbo

Posted on: October 29th, 2023

"Daraja hili liitwe MH. Filberto Sanga"

Wananchi wa Kata ya Ngumbo Wilayani Nyasa wamebadili jina la daraja la Mto litolomelo, na kuliita  kuwa Daraja la MH. Filberto Sanga ikiwa ni kuthamini mchango mkubwa wa mkuu wa Wilaya ya NYASA Kwa kazi kubwa ya Maendeleo anayoifanya Wilayani Nyasa.

Wameyasema hayo tarehe 28/10/2023 wakati Mkuu wa Wilaya alipotembelea na kukagua miradi ya Barabara ambayo ni Daraja la Mto Litolomelo, kata ya linga Wilayani Nyasa na Ujenzi wa Barabara ya mango-songambele miradi inayotekelezwa na Wakala wa Barabara za Vijijini na Mjini Wilayani hapa.

Diwani wa Kata ya Ngumbo Mh.Severine Nyoni,(Lindongo) amesema wananchi wa Kata ya Ngumbo wamefurahia sana utatuzi wa kero ya daraja la Mto huo ambao umetatua kero ya wananchi ambao walikuwa wakishindwa kufanya shughuli za Maendeleo, na wanafunzi walikuwa wakishindwa kuvuka kwenda shule na kusababisha utoro.

Toka Ujenzi huu uanze wewe ni kiongozi wa kwanza kuja katika daraja hili hivyo wananchi waneamua daraja hili liitwe Daraja la MH. Filberto Sanga, "huku akishangiliwa na Wananchi "

Mkuu wa Wilaya ya Nyasa amewataka Wananchi kuitunza miundombinu hii na kushirikikiana na mafundi ili waweze kukamilisha Kwa wakati.

Amesema Serikali inaendelea kutatua kero za wananchi na amewataka Wananchi kumuunga mkono Rais SAMIA Suluhu Hassan Kwa kufanya kazi Kwa bidii.

Awali akisoma taarifa Ya mradi huo meneja wa TARURA WILAYANI NYASA Mhandisi Thomas Kitusi amesema Mradi huu unatekelezwa mwaka wa fedha 2023/2024 Kwa kutumia fedha za Mfuko wa Barabara na unalenga kuboresha huduma ya mawasiliano Kwa wananchi wa Kijiji, Cha litolomelo na Kilindi.

Mradi unatekelezwa na mkandarasi Ms/sivikwa company ltd Kwa thamani ya TSH 73,973,500 kiwango Cha zege na urefu wa mita 16 na kazi imefikia asilimia 50.

Wananchi wa Kata ya Ngumbo wameipongeza Serikali Kwa kuipa miradi ya Maendeleo kata ya Ngumbo na kufanya ipendeze.