CCM RUVUMA yaridhishwa na miradi ya COVID19 Nyasa Yasema, Viongozi Nyasa ni Waaminifu, Waadilifu, na Wachapakazi

Posted on: February 4th, 2022

Kamati ya siasa CCM Mkoani Ruvuma, ikiongozwa na mwenyekiti wa CCM mkoa wa Ruvuma Mh, Odo Mwisho, imefanya ziara ya kutembelea na kukagua miradi ya COVID 19   Tarehe 04/02/2022 wilayani Nyasa.

Lengo la kutembelea miradi hii ni kujiridhisha kama imekamilika, na kukagua wanafunzi waliochaguliwa kujiunga na masomo ya Sekondari kama wote wamejiunga na kubaini changamoto zilizopo katika shule hizo.

 Mwenyekiti wa CCM Mkoa wa Ruvuma Oddo Mwisho amewapongeza wananchi na Viongozi wa Halmashauri ya Wilaya ya Nyasa kwa kutekeleza miradi hiyo,kwa ubora wa hali ya juu.

“Viongozi wa Halmashauri ya Wilaya ya Nyasa ni Mfano wa kuigwa kwa Miradi hii inaonyesha kuwa ni Waadilifu,Waaminifu, na wachapakazi na mnaweza kusimamia miradi ya Maendeleo”

 Aidha ametoa wito kwa wanafunzi Wilayani  Nyasa kusoma kwa bidii na kupata ufaulu wa juu ili kuunga juhudi za Rais wa Tanzania Mh. Samia Suluhu Hassan ambaye ametoa fedha za kuboresha miundombinu ya madarasa viti na meza.

Kwa upande wao wanafunzi wa Shule zilizotembelewa wamesema watatumia miundombinu hiyo kusoma kwa bidii na kupata ufaulu wa juu kwa kuwa moja ya vikwazo ilikuwa ni uchakavu na upungufu wa Miundombinu.

kamati ya hiyo imetembelea miradi ya Vyumba vya madarasa katika Shule ya sekondari, Limbo Kata ya Kilosa, Mbamba bay  Kata ya Mbamba bay, Lundo Kata ya Lipingo na Mango Kata ya Kihagara..