Baraza la wafanyakazi Halmashauri ya wilaya ya Nyasa yampongeza Ded Nyasa mikakati, Stahiki za watumishi na kutatua Kero za Wananchi

Posted on: February 19th, 2025

Halmashauri ya wilaya ya Nyasa Tarehe 19/02/2025 imefanya kikao cha Baraza la wafanyakazi kikao kilichofanyika katika Ukumbi wa Ofisi ya Mkurugenzi mtendaji wilaya ya Nyasa.

Lengo la kikao hicho ni kujadili na kupitisha mpango wa bajeti ya Halmashauri ya wilaya ya Nyasa Kwa kipindi Cha mwaka 2025/2026 kikao ambacho kimehudhuriwa na  Viongozi wa vyama vya wafanyakazi mkoa, Wilaya,  na wajumbe wawakilishi kutoka ngazi ya Matawi na Wakuu wa Divisheni na Vitengo.

Kikao hiki kimeongozwa na mwenyekiti wa Baraza la wafanyakazi ambaye pia ni Mkurugenzi mtendaji wa Halmashauri ya wilaya ya Nyasa Bw. Khalid Khalif, ambaye amewataka watumishi kufanya kazi Kwa bidii na kukusanya mapato ipasavyo ili kuweza kuendesha Halmashauri yetu Kwa kulipa stahiki mbalimbali za watumishi na kutekeleza miradi ya maendeleo wilayani Nyasa.

Ameongeza kuwa Kila mwajiri anafurahia sana kuona raslimali watu, inastawi katika Taasisi yake hivyo basi tunatakiwa kufanya kazi Kwa bidii ya kutatua Kero za Wananchi pamoja na kukusanya mapato ipasavyo.

Kwa upande wake wajumbe wa kikao wamempongeza Mkurugenzi mtendaji wilaya ya Nyasa bw. Khalid Khalif Kwa kutatua changamoto za watumishi hasa Kwa kulipa stahiki kama vile Uhamisho,likizo na kugharamia Mafunzo ya watumishi, kuongeza ukusanyaji mapato.