Baraza la madiwani lakemea uvuvi haramu Nyasa

Posted on: May 17th, 2023

Baraza la madiwani la Halmashauri ya Wilaya ya Nyasa limewataka wananchi kuacha mara moja uvuvi haramu.

Mwenyekiti wa Halmashauri ya Wilaya ya Nyasa mh.Stewart Nombo ameyasema hayo katika kikao Cha  baraza la madiwani kilichofanyika katika Ukumbi wa jengo jipya la Utawala Ofisi ya Mkurugenzi Mtendaji wilaya ya Nyasa kilichofanyika Tarehe 16/05/2023 kujadili taarifa za robo ya tatu January -machi 2023.

MH.Nombo akijibu swali la diwani wa Kata ya Mtipwili mh.Anton Chialo,amefafanua kuwa Halmashauri Kwa kushirikiana na jeshi la polisi limeanza msako na imekamata nyavu haramu na wavuvi wanaotumia nyavu hizo,lengo la msako huo ni kulinda Mali asili za ziwa Nyasa Kwa faida ya vizazi vijavyo.

Hivyo Halmashauri itaendelea na msako huo na yeyote atakayekamatwa atachukuliwa hatua Kali za kisheria.

Kwa upande wake Mkuu wa Divisheni ya kilimo ushirika uvuvi na mifugo Bernard Semwaiko amesema anaendelea na doria itakayohakikisha inatibu ugonjwa wa kutumia nyavu haramu japokuwa anakutana na changamoto ya wavuvi ha kupeana taarifa pindi msako unapoanza na huwa wanaficha nyavu.