ALAT RUVUMA YAIPONGEZA NYASA NA TUNDURU

Posted on: March 9th, 2020

Wajumbe wa jumuiya ya Tawala za mikoa na Serikali za mitaa (ALAT) Mkoa wa Ruvuma, wameipongeza Halmashauri ya Wilaya ya Nyasa kwa  Usimamizi na utekelezaji  mzuri wa Miradi ya maendeleo.

Wajumbe hao wametoa pongezi hizi katika kikao cha Jumuiya ya Tawala za mikoa na Serikali za Mitaa ( Alat) kilichofanyika, katika Ofisi ya Mkurugenzi Mtendaji wa Wilaya ya Nyasa hivi karibuni wakiwa katika agenda ya tathimini ya miradi iliyotembelewa na wajumbe hao wa ( ALAT) Mkoa wa Ruvuma.

Wajumbe hao walifafanua kuwa, wamefurahishwa na kasi ya maendeleo ya Utekelezaji wa miradi waliyoitembelea katika Wilaya ya Nyasa, ambayo na Ujenzi wa Hospitali ya Wilaya ya Nyasa iliyojengwa katika Kijij cha Nangombo, na Ujenzi wa Chuo cha Ufundi Stadi  (VETA) unaoendelea kujengwa katika Kitongoji cha linda, Kijiji cha Luhekei Kata ya Kilosa Wilayani hapa.

Mwenyekiti  wa jumuiya ya Tawala za Serikali za Mitaa (ALAT) Mkoa wa Ruvuma  mh. Danieli Nyambo alisema kwa niaba ya wajumbe wote waliotembelea miradi ya maendeleo katika Wilaya Nyasa  na baada ya kikao cha tathimini, wajumbe wamefurahishwa sana na miradi waliyoitembelea,  kwa kuwa imejengwa vizuri na kisasa hivyo (ALAT) mkoa inawapongeza sana kwa juhudi na ushirikiano wa viongozi na wananchi wote kwa kuwa kazi iliyofanyika ni nzuri sana.

“katika tathimini yetu ya miradi tuliyoitembelea kila mjumbe ameipongeza na ameridhishwa na utekelezaji wake hivyo nachukua fursa hii kuwapongeza sana Viongozi wa Wilaya ya Nyasa kwa ushirikiano mliouonyesha  hasa kwenye utekelezaji wa miradi mbalimbali ya maendeleo hasa tuliyoipitia nui mizuri na ni mfano wa kuigwa hivyo basi kama halmashauri zote mkoani hapa zikitekeleza Miradi ya maendeleo kwa namna hii tutakuwa Mkoa na  mfano wa kuigwa, Hongera sana wananyasa”  alisema mh. Nyambo.

Aidha Kikao hicho kimeipongeza Halmashauri ya wilaya ya Tunduru kwa kuwa ya kwanza Kimkoa na Taifa kwa kukusanya kwa (113%) mapato ya Ndani na kuzita Halmashauri zote kufikia malengo ya kukusanya kwa asilimia mia moja na kutoa mikopo kwa wanawake,Vijana na Watu wenye ulemavu kwa kuwa ni makundi maalum yanayotakiwa kuwezeshwa katika jamii.