Hamasisheni Wananchi.

Posted on: January 6th, 2025

Afisa mwandikishaji wa Jimbo la Nyasa Bw. Khalid Khalif amewaagiza maafisa waandikishaji ngazi ya Kata kuwahamasisha Wananchi kujitokeza Kwa wingi kuboresha Taarifa zao katika Daftari la wapiga kura, kutunza vifaa na kufanya kazi Kwa weledi.

Ameyasema hayo Tarehe 06/01/2025 wakati akifunga Mafunzo ya Maafisa waandikishaji ngazi ya Kata katika Ukumbi wa ofisi ya Mkurugenzi mtendaji wilaya ya Nyasa.

Bw. Khalid amefafanua kuwa maafisa hao wanatakiwa kuwahamasisha Wananchi kujitokeza Kwa wingi kushiriki kikamilifu zoezi la uboreshaji wa Daftari la wapiga kura ambao wanasifa.

Ameongeza kuwa wanatakiwa kufanya kazi Kwa weledi ili kuyafikia malengo ya serikali ya kuandikisha na kuboresha Taarifa za wapiga kura na kutunza vifaa ambayo wanakwenda kunitumia.

Aidha ametoa wito Kwa maafisa hao kusimamiwa vema zoezi hili na kufanya kazi Kwa weledi.