OFISI YA MKUU WA MKOA RUVUMA YATEMBELEA MIRADI

Posted on: September 9th, 2019

 Ofisi ya Mkuu wa Mkoa wa Ruvuma hivi karibuni,  imefanya ziara ya siku moja Wilayani Nyasa,   kutembelea miradi  itakayozinduliwa na Mwenge wa Uhuru Septemba 24 mwaka huu.

KatibuTawala Msaidizi wa Mkoa wa Ruvuma Bw. Joel Mbewa,  ambaye ni Mkuu wa Msafara huo alikagua miradi yote itakayopitiwa na Mwenge wa Uhuru Wilayani hapa. Miradi hiyo ni Mradi wa Kibuyu Chirizi, uliopo shule ya msingi Luhangarasi ( Kata ya Luhangarasi ), Mradi wa Kitalu Nyumba ( Kingerikiti ),Mradi wa  Bweni la wanafunzi wa kike na kiume Sekondari ya Kingerikiti (Kata ya Kingerikiti), Mashine ya Kisasa ya  kukoboa na kupanga madarajaya kahawa, ( Kingerikiti ) shamba darasa la kahawa na Mradi wa Daraja katika Mto Lumeme.

Miradi mingine ni shamba la miti (Kata yaTingi) Zahanati ya Ndondo na Mradi wa Maji wa Liparamba katika Kata ya Liparamba.

Katika majumuisho ya ziara hiyo Bw. Mbewa  amewataka Viongozi wa Halmashauri yaNyasa  kufanya marekebisho kwenye miradi iliyo na mapungufu mapema kablaya tukio la Mwenge  na kutoa wito  kwa viongozi kushirikiana katikakufanya maandalizi  kwa kuwa Mwenge wa Uhuru una umuhimu zaidi kwa kuwa unajenga umoja na mshikamano kwa wananchi.

Naye Mkurugenzi Mtendaji wa Halmashauri yaWilaya ya Nyasa Bw. Jimson Mhagama,amewashukuru Viongozi wa Mkoa wa Ruvuma,kwa kuwatembelea Wilayani Nyasa nakupita kukagua miradi itakayopitiwa na Mwenge wa Uhuru. Pia amewashukuru kwa maoni yao kwa kila mradi na ameahidi kwenye mapungufu atayarekebisha kwa kushirikiana na Wataalamu na wananchi wa Wilaya ya Nyasa.

Imeandaliwana 

NethoC. Sichali

KaimuAfisa habari

Wilaya ya Nyasa