NYASA YA KWANZA KIMKOA MATOKEO DARASA LA SABA.

Posted on: January 2nd, 2019

Ufaulu wa wanafunzi wa Darasa la saba Wilaya ya Nyasa kwa mwaka 2018 umepanda kwa nafasi 85 za kihalmashauri na kuwa na ongezeko la ufaulu wa asilimia 23.6 ikkilinganishwa na mwaka 2017 na kuongoza kutoka wa mwisho kimkoa mwaka jana nakuwa wa kwanza.

Hayo yalisemwa na Kaimu Mkurugenzi wa Wilaya ya Nyasa Dougras Ruambo wakati akiwasilisha taarifa ya utendaji kazi wa kipindi cha julai hadi Desemba 2018 katika kikao cha kamati ya ushauri ya Wilaya ya Nyasa kilichofanyika hivi karibuni katika ukumbi wa mikutano wa Kepten John Komba mjini Mbamba-bay wilayani hapa.

Kaimu Mkurugenzi Ruambo alifafanua kuwa  Halmashauri ya wilaya ya Nyasa kwa mwaka2018 imeshika nafasi ya 86 kati ya 186 hivyo kuifanya Halmashauri kuwa na ongezeko la ufaulu wa asilimia 23.6 ikilinganishwa na mwaka 2017 na kuifanya halmashauri kuwa ya kwanza kufaulisha kimkoa.

Ruambo alifafanua kuwa wilaya ya Nyasa kwa mwaka 2017 ilikuwa na watahiniwa 3,937 wakiwemo wav.1991 na was 1946 kati yao watahiniwa 3896 walifanya Mtihani wa kuhitimu elimu ya msingi wakiwemo Wavulana 1966 na wasichana1930.Kati ya watahiniwa waliofanya Mtihani huo Watahiniwa 2181 walifaulu kujiunga kidato cha kwanza  kwa mwaka 2018 wakiwemo wavulana 1136 na wasichana1045,ufaulu huo ni sawa na asilimia 55.9 na kuifanya halmashauri yetu kushika nafasi ya 171 kati ya 186.

Aliongeza kuwa kwa mwaka 2018 Halmashauri ya Nyasa  ilikuwa na watahiniwa 3393 wakiwemo wavulana 1684 na wasichana 1709 kati yao watahiniwa 3,367 walifanya mtihani huo,wakiwemo wav 1668 na wasichana 1699.Kati ya watahiniwa waliofanya mtihani huo watahiniwa 2,679 wamefaulu kujiunga na kidato cha cha kwanza kwa mwaka 2019 wakiwemo wavuluna 1270 na wasichana 1409 ufaulu huo ukiwa ni sawa na asilimia 79.57 na kuifanya halmashauri yetu kushika nafasi ya kwanza kimkoa na kuifanya Halmashauri kushika nafasi ya 86 kti ya 186 hivyo halmashauri kuwa na ongezeko la ufaulu wa asilimi 23.6 ikilinganishwa na mwaka 2017.

Mkuu wa Wilaya ya Nyasa Bi.Isabela Chilumba aliwapongeza kwa juhudi zilizofanyika kwa watendaji wote kwa kuwajibuika ipasavyo na kufaulisha kwa kiwango cha hali ya juu na kuawata kuhakikisha watendaji wote katika ngazi zote kuhakikisha wanafunzi wote waliofaulu kujiunga na masomo ya sekondari bila kukosa na katika kuhakikisha suala hili linafanikiwa alifanya ziara ya kuhamasisha ujenzi wa madarasa na madawati katika shule zote za Sekondari zilizopo katika Wilaya ya Nyasa na kufanya mikutano na bodi za shule na wajumbe wa kamati za maendeleo na kujiridhisha kuwa hakuna taizo lolote na miundombinu iko sawa kwa ajili ya kupokea wanafunzi wa kidato cha kwanza mwaka huu.

Aidha katika kuhakikisha wanafunzi wote waliochaguliwa wanaenda Sekondari Mkuu wa mkoa wa Ruvuma Christina mdeme aliagiza kutokwenda likizo kwa Wakuu wa Idara na Wakuu wa Taasisi zote zilizopo katika Mkoa wa Ruvuma ili kuhakikisha kuwa Wilaya zote zenye upungufu wa madarasa na madawati kuhakikisha kuwa madarasa yanapatikana ili wanafunzi wote wanaotakiwa kuanza kidato cha kwanza 2019 Sekondari wanasoma.