NMB BENKI YATOA MSAADA WA ZAIDI YA MILIONI 20 WILAYANI NYASA

Posted on: July 7th, 2022

Benki ya NMB, Imekabidhi msaada wa bati,misumari, na Mbao wenye thamani ya Tsh 20,047,000(Milioni ishirini na elfu arobaini na saba) kwa ajili ya kuezeka, Shul;e ya Sekondari St Paul, Shule ya Msingi Litoromeo na Shule ya Msingi  Ngingama Wilayani Nyasa TAR 06.07.2022

Mgeni Rasmi katika Makabidhiano hayo ni  mkuu wa Wilaya ya Nyasa Kanali Laban Thomas, makabidhiano yaliyoyanyika katika Viwanja vya Shule ya Sekondari St Paul Liuli, Wilayani Hapa.

Mkuu Huyo ameipongeza Benki ya Nmb  kwa kutoa msaada wa Vifaa hivyo kwa kuwa vitatatua changamoto ya madarasa katika shule hizo na ametoa Wito kwaTaasisi zingine kuiga mfano wa Benki ya NMB wa kusaidia kutatua changamoto mbalimbali katika Sekta ya Elimu ili kuunga Mkono juhudi za Serikali za kuboresha Sekta ya Elimu Nchini,na kuagiza uongozi wa shule kutumia vema msaada walioupata.

Awali akikabidhi Vifaa hivyo kwa Niaba ya Benki ya NMB, Meneja wa Kanda ya kusini Bi Janet Shango amesema Pamoja na mambo makubwa yanayofanywa na Serikali kama wadau wanao wajibu wa kuunga mkono juhudi za maendeleo kwa kusaidia jamii zetu kwa kutatua changamoto mbalimbali za maendeleo.

Ameongeza kuwa NMB walipopata Maombi ya kuchangia maendeleo ya elimu katika Wilaya ya Nyasa walifarijika na kuamua mara moja kuchangia, ili kuwa chachu ya maendeleo katika sekta muhimu ya elimu na kuongeza ari kwa wnafunzi kusoma kwa bidii na kushirikiana na jamii kutatua changamoto za miundombinu.

Ameitaja msaada waliochangia ni katika Shule ya Sekondari St Paul bati 200,mbao 725 Misumari kg 260 yenye thamani ya Tsh 12,727,000, katika Shule ya Msingi Litoromeo Kata ya Ngumbo ni Bati 100 nondo 100 thamani ni 3,400,000 na katika Shle ya      Msingi Ngingama ni Bati 120 zenye thamani ya Tsh 3,920,000 Vifaa vyote kwa vyenye thamani ya Tsh 20,047,000.

Aidha ametoa wito kwa jamii kuendelea kuitumia NMB Benki kwa maendeleo, kwa kuwa ni  Benki inayojali wateja wake na inasaidia wananchi wake.

Wakuu wa Shule hizo waliishukuru Benki ya NMB kwa kutatua changamoto za shule zao na kuahidi vifaa hivyo watavitumia vizuri kwa malengo yaliyopangwa.

Pia wanafunzi wa St Paul walisema wanaipongeza Benki ya NMB kwa kuwatatulia changamoto ya ukosefu wa Bwalo la chakula kwa kuwa awali hawakuwa nalo