Yaliyojiri Ziara ya Waziri wa Maji, Nyasa

Posted on: September 20th, 2024

KISHINDO CHA WAZIRI WA MAJI NYASA,TINGI,LUMEME,PUULU SONGAMBELE WACHEKA.

 Waziri wa maji Mhe. Jumaa Aweso(MB) Tarehe 19.09.2024  amefanya Ziara ya Kikazi wilayani Nyasa na kutembelea na kukagua Mradi wa maji wa Malungu utakaohudumia Kata ya Tingi.

Akizungumza na wananchi katika Viwanja vya mikutano,Kata ya Tingi amesema Serikali ya awamu ya sita imedhamiria kumtua mama, maji kichwani hivyo amewataka wananchi kutunza miundombinu ya maji ili iweze kutatua changamoto ya maji katika Kata ya Tingi.

Ameongeza kuwa Serikali imetoa Tsh bilioni 1.2 kwa ajili ya kutekeleza mradi huu ambao ulitarajia kuwafikia wananchi 9659 wa  Vijiji vya Malungu na Tingi, kata ya Tingi lakini miundombinu ilikuwa haikidhi mahitaji ya wananchi hali iliyomfanya aongeze milioni 100 kwa ajili ya kukamilisha Mradi huu.

Na amemtaka mkandarasi kukamilisha mradi huu kabla ya mwezi Novemba 2024.

Aidha amelipa Kiasi cha Shilingi milioni 145 kwa ajili ya mradi wa Puulu Songambele ambao ulikwama kwa ajili ya mkandarasi ambaye hakulipwa.

 Wananchi wa kata ya Tingi Wilayani Nyasa wameishukuru Serikali kwa kutatua changamoto ya miaka mingi ya ukosefu wa maji safi na Salama iliyokuwa inawakabili.

Aidha katika Kata ya Lumeme amewaacha wahandisi kufanya Tathimini ili aweze kutoa fedha ya kujenga Mradi wa Maji katika Kata ya Lumeme.

Mbunge wa Jimbo la Nyasa Mhandisi Stella Manyanya ameishukuru Serikali kwa kuendelea kutatua changamoto za miradi mbalimbali ya maendeleo Wilayani Nyasa hasa sekta ya maji safi na salama kwa kuipa miradi mikuwa itakayotatua ukosefu wa maji na salama wilayani Nyasa.