Wilaya ya Nyasa yaadhimisha sherehe ya Uhuru wa Tanzania Bara Kwa kufanya Usafi wa mazingira Hospitali ya Wilaya.

Posted on: December 9th, 2024

Mkuu wa wilaya ya Nyasa Mhe. Peres Magiri, tarehe 09/12/2024 amewaongoza watumishi wa umma na wananchi wa wilaya ya Nyasa,  kufanya usafi wa mazingira katika Hospitali ya Wilaya ya Nyasa iliyopo Kijiji cha Nangombo na kufanya matendo ya huruma Kwa wagonjwa ili kuadhimisha miaka 63 ya uhuru wa Tanzania Bara .

Akihitimisha zoezi hilo, Mhe Magiri amewataka wananchi wa wilaya ya Nyasa kufanya Usafi wa mazingira ili Halmashauri yetu iwe safi wakati wote.

Aidha ameagiza watumishi wa Umma kuwa waadilifu katika utendajikazi na kudumisha amani na upendo katika kuwahudumia wananchi.

Ameongeza kuwa amani na upendo hujengwa kupitia michezo na shughuli mbalimbali hivyo amewataka Wananchi na watumishi kujenga utamaduni wa kufanya mazoezi.

Wilaya ya Nyasa umeungana na wilaya zingine Nchini kuadhimisha miaka 63 ya Uhuru wa Tanzania Bara kwa kufanya  usafi wa mazingira katika majengo ya umma.

Mhe.Magiri amegawa juisi, sabuni Maji mafuta ya kupaka na sukari  Kwa wagonjwa.