Tunaimani na Serikali, wananchi wa Kata ya Mtipwili na Chiwanda

Posted on: June 7th, 2023

Wananchi wa Kata ya Mtipwili na Chiwanda Wilayani Nyasa wameipongeza Serikali Kwa kuwapa miradi ya Maendeleo inayotatua kero zao. Wameyasema hayo tarehe 06/06/2023 katika Ziara ya kikazi ya kutembelea na kukagua miradi ya Maendeleo aliyoifanya MKuu wa Wilaya ya Nyasa Mh.Filberto Sanga katika Kata hizo. Wananchi wamebainisha kuwa Serikali imeboresha Zahanati ya Kijiji Cha Chiulu Kwa kuipa milioni 42 katika mradi wa SWASH na kujenga kichomea taka ,kutengeneza miundombinu ya maji na ukamilishaji ijenzi wa vyoo Hali inayoongeza ubora katika Zahanati hiyo. Katika Shule ya msingi Mtipwili Serikali inatekeleza mradi wa Ujenzi wa matundu 18 vyoo na chumba maalum Cha wasichana katika mradi wa SWASH TSH milioni 36.1 Wananchi hao wameongeza kuwa bila miradi hii wangelazimika kuchanga fedha na kutekeleza miradi,wanaishukuru na kuipongeza Serikali. Akikagua Mradi wa ukamilishaji Bweni la wasichana katika Shule ya Sekondari Nyasa na Ujenzi wa Madarasa 3na matundu 3 shule ya msingi fedha za Boost ,Mkuu wa Wilaya ya Nyasa amewata wananchi kushiriki katika utekelezaji wa miradi Kwa kuwa ni yakwao. Aidha amewaagiza mafundi wahakikishe wanakamilisha miradi kabla ya Juni 30 mwaka huu. Mkuu wa Wilaya ya Nyasa anaendelea na Ziara ya kikazi ya kutembelea na kukagua miradi ya Maendeleo katika mbalimbali za Wilaya ya Nyasa.