SUA yatoa mafunzo ya kuzuia mnyoo Tegu Nyasa

Posted on: October 6th, 2021

Chuo Kikuu cha Kilimo Sokoine (SUA),  Kupitia Mradi wa Custinet Africa unaofadhiliwa na Serikali ya Ujerumani,Wametoa mafunzo ya Udhibiti wa ueneaji wa Mnyoo Tegu kwa Nguruwe, kuanzia October 04 hadi 06, Wilayani Nyasa.

Mafunzo hayo yamefanyika shule ya msingi Zambia, na kushirikisha Viongozi wa kata,Vijiji,Wafugaji na wataalam wa Mifugo.Mafunzo haya yanafanyika kwasiku tatu, siku ya kwanza ni viongozi,siku ya pili naya tatu ni wanajamii yaani wawakilishi wa wafugaji na wanaojihusisha na kuchinja na kuuza nyama ya Nguruwe maarufu kama kitimoto katika kijiji cha Mbamba Bay na .

Lengo la mafunzo haya ni kulinda afya ya jamii dhidi ya Athari zitokanazo na Mnyoo Tegu wa Nguruwe,  na kuhamasisha ufugaji bora wa Nguruwe katika kuinua kipato cha kaya kwa  jamii ya wananchi wa Wilaya ya Nyasa.

Akitoa mafunzo hayo Mkufunzi Dr Ernatus Mkupasi, ameitaka jamii kuhamasika kutumia vyoo bora na kuzingatia Usafi wa mazingira, na ufugaji bora, ili kuzuia mnyoo tegu usisambae, Aidha ameeleza maana ya Mnyoo wa Tegu ni Mnyoo unaoambukizwa kati ya binadamu na nguruwe, Binadamu anaweza kupata mnyoo tegu kwenye misuli,ubongo,macho na sehemu nyingine za mwili, hali inayojulikana kitaalaam kama “taeniosis” na Nguruwe wanaozurura wanaweza kula kinyesi cha binadamu na kupata mabuu ya mnyoo tegu kwenye nyama na ubongo.

Washiriki wa mafuzo hayo wamekipongeza chuo kikuu cha kilimo Sokoine kwa kutoa mafunzo hayo na wameweka mikakati ya kutoa elimu kwa jamii na kuihamasisha jamii kuhusu Ufugaji bora, kuzingatia usafi wa mazingira, na kuwepo kwa vyoo bora katika maeneo yao.