Rc Ruvuma Ampongeza Ded NYASA, Ukusanyaji mapato

Posted on: December 23rd, 2023

MKuu wa Mkoa wa Ruvuma Kanali Laban Thomas anampongeza Mkurugenzi Mtendaji wa Halmashauri ya Wilaya ya Nyasa Bw. Khalid Khalif Kwa kufanikiwa, ukusanyaji mapato ya ndani.

Pongezi hizi amezitoa tarehe 23/12/2023 alipofanya Ziara ya kikazi Wilayani Nyasa ya kutembelea mradi wa Ujenzi wa Sekondari mpya ya Hekima iliyojengwa Kijiji Cha Lumalu Kata ya Upolo Wilayani Nyasa.

Kanali Thomas amefafanua kuwa anampongeza Mkurugenzi huyu Kwa ukusanyaji Bora wa mapato ya Ndani aliouonyesha na mpaka sasa amefikia asilimia 75.91 ya makusanyo.

"Mkurugenzi nakupongeza sana Kwa kazi nzuri ya ukusanyaji mapato hakika Nyasa inazidi kukua"

Akikagua Mradi wa Ujenzi wa shule ya Sekondari Hekima amewapongeza wananchi na viongozi Kwa kazi nzuri ya Ujenzi inayoendelea, ambayo Iko ngazi ya umaliziaji na kuwataka wakamilishe kazi zilizobaki.