NYASA yapewa kituo cha ligi soka daraja la 3 Mkoa wa Ruvuma

Posted on: October 22nd, 2021

Ligi soka daraja la Tatu Mkoa  wa Ruvuma inafanyika Wilayani Nyasa, katika uwanja wa Shule ya Msingi Kilosa na Timu sita zitashuka dimbani kutafuta nafasi mbili za juu ili kufuzu hatua inayofuata.

Msimamizi wa Kituo cha Nyasa Ahmed Mwalimu amethibitisha kufanyika kwa Ligi Hiyo Wilayani Nyasa wakati akiongea na Mwandishi wa Habari hizi wakati akitoa Mafunzo elekezi kwa Viongozi wa Timu zinazoshiriki Ligi hiyo, Semina iliyofanyika Shule ya Msingi Kilosa Wilayani Nyasa.

Bw Mwalimu amefafanua kuwa Wilaya ya Nyasa imepewa Kituo Kimoja ambacho ni Kituo B ambacho kitakuwa na Timu 6 za Kutoka Wilaya Nyasa Mbinga na Songea  ambazo ni Timu ya Halmashauri ya Nyasa, Stand Ya Mbamba bay, Black fighter ya Kilosa, Mbinga United, Might elephant ya Songea na Mbiti ya Mbinga.

Ameitaja sababu ya Kuleta kuipa Nyasa kituo ni kuongeza hamasa ya kutangaza Vivutio vya Utalii vilivyopo wilaya ya Nyasa, na kuchochea Utalii ili watu waje kutalii Wilayani Nyasa pamoja kufuatia kufunguka kwa miundombinu ya barabara.

Ametoa Wito kwa Wananchi wa Wilaya ya Nyasa kutumia Fursa hiyo ya michezo kujiongezea kipato kibiashara kwa kuwa Timu zitakazofika hapa Nyasa wachezaji watahitaji kula, kulala na kufanya Utalii.

Aidha amesema maandalizi yako tayari na amemtaja Mgeni Rasmi atakayeyefungua Mashindano haya ni Mkuu wa Wilaya ya Nyasa Kanali Laban Thomas.