NAIBU WAZIRI WA VIWANDA , BIASHARA NA UWEKEZAJI AMPONGEZA MKURUGENZI MTENDAJI WA WILAYA YA NYASA KWA KUSIMAMIA VYEMA UJENZI WA BWENI LA WASICHANA KATIKA SHULE YA SEKONDARI KILUMBA.

Posted on: August 5th, 2018

Naibu waziri wa viwanda biashara na uwekezaji ambae ni mbunge wa jimbo la Nyasa Eng.Stella Manyanya amempongeza Mkurugenzi Mtendaji wa Halmashauri ya Wilaya ya Nyasa Dkt. Oscar Mbyuzi kwa kusimamia vizuri ujenzi wa bweni la Wasichana la shule ya sekondari Kilumba iliyopo kata ya Lumeme.

Mh. Manyanya Alitoa pongezi hizo leo (05-08-2018) wakati alipotembelea na kuona kukamilika kwa Mradi huo Mbele ya wanajamii wa Lumeme na Shule ya Sekondari ya Kilumba wakati katika ziara yake ya siku kumi katika Tarafa ya Mpepo kukagua Miradi , shughuli za maendeleo na kusikiliza kero za Wananchi.

Akihutubia mamia ya wananchi waliokusanyika katika mkutano huo  wa hadhara uliofanyika katika viwanja  vya Sekondari Kirumba Naibu Waziri alimpongeza Mkurugenzi Mtendaji wa Wilaya ya Nyasa Dkt Oscar Mbyuzi kwa kusimamia ujenzi wa bweni hilo ambalo limejengwa kwa viwango vya hali ya juu.

“Nimpongeze sana Mkurugenzi Mtendaji na wataalamu wake kwa kusimamia ujenzi huu vizuri ,jengo limejengwa kwa viwango vya hali ya juu na linapendeza ukiliangalia na hata Mtoto atakayelala humu atakuwa na uwezo mzuri wa kujifunza. Nimekagua majengo mengi yamejengwa vizuri sana natamani Nyasa iwe ya viwango na iwe na majengo mazuri kama haya”

Katika hatua nyingine wananchi wamempongeza Mh Mbunge Manyanya kwa kutekeleza kwa kiasi kikubwa ahadi alizotoa wakati wa kampeni na kwa kuthamini mchango wake na wamemuomba bweni hilo lipewe Jina la Stella Manyanya ombi ambalo lilipokelewa na Mh.Mbunge.

Bweni hilo la wasichana limeondoa kero za wanafunzi wa kike ambao walikuwa wakiishi mitaani na kukutana na vishawishi mbalimbali na linategemea kuongeza ufaulu wa wanafunzi wa kike shuleni hapo.