MWENYEKITI wa Halmashauri ya Wilaya ya Nyasa awataka wananchi kujikita kwenye Kilimo

Posted on: August 6th, 2024

Mwenyekiti wa Halmashauri ya Wilaya ya Nyasa Mhe.Stewart Nombo, amewataka wananchi wa wilaya ya Nyasa kujikita katika shughuli za kilimo, mifugo na Uvuvi ili kujiongezea kipato cha uhakika.

Ameyasema hayo Tarehe 06/08/2024 akiwa katika Banda la Halmashauri ya Wilaya ya Nyasa baada ya kupata maelekezo ya kilimo na mifugo yaliyotolewa na Mkuu wa Divisheni ya Kilimo uvuvi na Mifugo Ndugu Pasifiki Mhapa.

Amefafanua kuwa Wilaya ya Nyasa ina maeneo ya Kutosha kuwekeza katika Sekta ya Kilimo mifugo na Uvuvi hivyo kila mwananchi wa Wilaya ya Nyasa anatakiwa kufanya kazi kwa juhudi na maarifa na kuwekeza katika Sekta ya Kilimo mifugo na Uvuvi.

Ametoa Wito kwa wawekezaji kuja kuwekeza Wilaya ya Nyasa kwa kuwa kuna fursa za kutosha.

Mwenyekiti wa Halmashauri ya Wilaya ya Nyasa yuko katika maonesho ya Sikukuu ya Nanene Banda la Nyasa akiwa ameambatana na waheshimiwa madiwani, Makamu Mwenyekiti wa Halmashauri ya Nyasa Mh.Walaliki Kikasi, Diwani wa Ngumbo Mhe Nyoni na Diwani wa Kata ya Tingi Rainald Kimwaga.