Komred Abeli Komba mwenyekiti wa CCM Nyasa,awaongoza Mashabiki wa Simba matendo ya huruma

Posted on: August 3rd, 2024

Wapenzi wa Klabu ya Simba Wilaya ya Nyasa wakiongozwa na mwenyekiti wa Chama Cha Mapinduzi Wilaya ya Nyasa Comred Abeli Komba tarehe 03/08/2024 katika kusherekea kilele Cha wiki ya Simba (Simba day)  wamesherekea kwa kutoa huduma Mbalimbali katika Hospitali ya Wilaya ya Nyasa.

Huduma walizotoa ni Kufanya usafi wa mazingira maeneo ya Hospitali, Kuchangia Damu na Kugawa mahitaji Mbalimbali (Sabuni, juisi na maji) kwa Akina mama wajawazito, waliojifungua na wagonjwa wengine wodini.

Akizungumza kwa niaba ya mashabiki wa simba Wilaya ya Nyasa bw.Said Msagala amesema mashabiki hao wameamua kufanya matendo ya huruma kwa kufanya kazi hizo Ili jufanikisha sikukuu ya Simba.

Amewataka mashabiki kuendelea kuwapenda na kuwahudumia wahitaji kwa kuwa michezo ni furaha.

Akiongea kwa niaba ya Mganga Mfawidhi Katibu wa Afya wa Hospitali, aliwashukuru sana wapenzi wa Club ya Simba kwa Matendo yao ya huruma Hospitalini hapo kwakuwa yameleta faraja kubwa kwa wagonjwa pamoja na watumishi wa kituo hicho.