Kanisa la TAG Likwilu laadhimisha miaka 85,lawataka waumini kulinda amani ya Tanzania

Posted on: May 19th, 2024

Kanisa la TAG Likwilu usharika wa kusini, hivi karibuni limeadhimisha miaka 85 tangu kuanzishwa kwake nchini Tanzania (zamani TANGANYIKA) Mwaka 1939.

Lengo la maadhimisho ni kuhamasisha amani na kumshukuru mungu kwa zawadi ya uhai kwa .

Akizungumza katika maadhimisho hayo mgeni rasmi aliyemwakilisha  mhe. Mkuu wa wilaya ya nyasa katika sherehe hizo, Afisa Tawala wa wilaya ya nyasa Benedicto Nsindagi, amewaomba waumini wa kanisa hilo kushiriki uchaguzi  wa serikali za mitaa ambao unatarajiwa kufanyika mwaka huu, na kutunza mazingira ili kuepuka athari zitokanazo na uharibifu wa mazingira.  

Amewashukuru Vongozi wa kanisa hilo  kwa kuhubiri amani na, ushirikiano wanaoutoa kwa serikali na jamii kiujumla hasa kupitia mchungaji Gideon Mwarabu wakifanikiwa kujenga jengo moja la shule ambalo lipo likwilu kata ya kilosa.

Aidha kwa nafasi nyingine  mwakilishi wa mkuu wa wilaya aliendesha  harambee ya ujenzi wa jengo jipya la kanisa hilo baada ya kusikia changamoto wanayokumbana nayo katika kanisa wanalotumia hivi sasa.

Awali mchungaji wa kanisa Hilo Gideon Mwarabu amewashukuru wote waliohudhuria na kuwataka kutuza zawadi ya amani aliyotupatia mwenyezi Mungu.

Ofisi ya Mkuu wa wilaya iliahidi kuwa  itachangia  kiasi cha shilingi laki mbili kwa ajili  ya ununuzi wa bati kwa ajili ya kanisa hilo.katika harambee hiyo Iliyoendeshwa na  mwakilishi wa  Mkuu wa wilaya alifanikisha kukusanya  kiasi cha shilingi....MILIONI MOJA LAKI 3 ISHIRINI NA NANE NA MIA SITA. NA bati 61