KAMPENI ya Chanjo ya Polio tarehe 24.03.2022 hadi tarehe 27.03.2022

Posted on: March 23rd, 2022

HALMASHAURI ya Wilaya ya Nyasa inatarajia kufanya kampeni ya siku 4 ya  chanjo ya ugonjwa wa polio wilayani Nyasa itakayoanza Tarehe 24.03 hadi 27.03.2022

Hayo yamesemwa na Mratibu wa afya ya jamii Richard Pakakubingwa ,ofini kwake Tarehe 23.03.2022 wakati akitoa taarifa kwa waandishi wa Habari juu ya uwepo wa kampeni ya chanjo ya Polio Wilayani Nyasa.

Mratibu huyo amefafanua kuwa, Kampeni inalengo la kuzuia ugonjwa wa kupooza na Chanjo hii itatolewa katika vituo vyote vya kutolea huduma za afya yaani vituo vya afya na zahanati zote,Nyumba hadi Nyumba.

Amewataja Wal;engwa au wahusika wa kampeni hii ni watoto wote wenye umri chini ya miaka 5.

Aidha ametoa  wito kwa wananchi wote kujitokeza kwa wingi kuwaleta watoto wote walio chini ya umri wa miaka mitano ili wapatiwe chanjo hii ili wapate kinga ya kuepukana na ugonjwa wa kupooza

Imeandaliwa na Netho Sichali

Afisa Habari

Wilaya ya Nyasa,

0767417597