Kamati ya Fedha Mipango na Utawala yakagua miradi ya Maendeleo

Posted on: August 18th, 2023

Kamati ya Fedha, Mipango na Utawala ya Halmashauri ya Wilaya ya Nyasa tarehe 18/08/2023 imefanya ukaguzi wa miradi 7 ya Maendeleo katika kata ya Chiwanda, Mtipwili na Kilosa Tarafa ya Ruhekei Wilayani Nyasa.

Ukaguzi huu ni Wa robo ya nne 2022/2023 na umeongozwa na Makamu mwenyekiti wa Halmashauri ya Wilaya ya Nyasa mh.Wayariki Kikasi aliyeambatana na wakuu wa Idara na Vitengo.

Akikagua miradi hiyo amewataka wazazi walezi kuhakikisha kuwa wanawapa chakula wanafunzi kipindi wanapokuwa shuleni.

Amefafanua kuwa amefurahishwa alipokuwa katika kata ya Chiwanda amekuta wanafunzi wanakula shuleni katika Shule ya Sekondari Nyasa hivyo amesema wanafunzi kula shuleni Kwa shule zote za msingi na Sekondari ni lazima sio hiari.

Ametoa wito Kwa Watendaji wa Kata na vijiji kuwa chukulia hatua Kali za kisheria wazazi wasiowapa chakula watoto.

"Miundombinu ya Bweni la wasichana la shule hii ya Nyasa sec imekamilika nitoe wito Kwa wazazi walezi kuhakikisha watoto wanapata chakula wawapo shuleni,na hili sio ombi ni Lazima"

Awali akitoa taarifa ya chakula mashuleni Mtendaji wa Kata ya Chiwanda Charles Chikuni amesema shule zote katika kata yake zinatoa chakula.

Miradi iliyotembelewa na kati hiyo ni Ujenzi wa madarasa 3 s/m Chiwindi,Bweni la wasichana shule ya Sekondari Nyasa,vyoo vya shule ya msingi Mtipwili, Ujenzi wa madarasa 3 s/m Nangombo Ujenzi wa shule mpya ya Kilosa, Bweni la wasichana la shule ya Sekondari Limbo na Bwalo la chakula shule ya Sekondari Limbo.