Halmashauri ya Wilaya ya nyasa yatoa mafunzo Kwa wananchi ya ardhi

Posted on: November 13th, 2023

Halmashauri ya Wilaya ya Nyasa hivi karibuni, imetoa Mafunzo ya ardhi kuhusu wawekezaji maeneo ya migodi (uchimbaji wa makaa ya mawe) na kusikiliza kero za wananchi,Kwa wananchi wa vijiji vya Yola na Liwundi katika kata ya Liwundi Wilayani Nyasa.

Elimu imetolewa na Mkuu wa Idara ya Ardhi Wilayani hapa PHiloteus Komba, na mwanasheria wa Halmashauri Dotto Nyankulungu katika mafunzo yaliyofanyika Ofisi ya Afisa Mtendaji Kata ya Liwundi.

Lengo la mafunzo hayo ni kuwaelimisha wananchi juu ya umiliki wa ardhi yenye madini .

Akiwasilisha mada ya umiliki wa ardhi Afisa ardhi Komba, amesema Kwa mujibu wa katiba ya jamhuri ya muungano wa Tanzania a mwaka 1977 ibara ya 24 Kila Raia wa Tanzania anayo haki ya kumiliki Mali ikiwemo Ardhi.

Pia alisema maana ya ardhi "inajumuisha USO/tabaka la juu ya Nchi iliyoko chini ya ardhi uso wa Nchi na vitu vyote isipokuwa madini na mafuta.

 Alifafanua kuwa umiliki wa ardhi unapoathirika Kwa namba yoyote ikiwemo kutwaliwa Kwa manufaa ya Umma au Kwa namba yoyote mmiliki wa ardhi anastahili kulipwa Fidia kamili na ya haki.

Hivyo basi mwekezaji au Taasisi inapohitaji  kutwaa ardhi iliyoendelezwa na mwananchi,Kwa ajili ya shughuli yoyote ikiwemo uchimbaji madini anatakiwa kulipa fidia Kwa wamiliki wa ardhi.katika utaratibu wa kulipa fidia taratibu Kwa mujibu wa Sheria ya uthamini wa Mali mbapo mthamini wa serikali atakuwa kufanya uthamini Kwa wamiliki wa ardhi inayoathirika.

 Aliwataka wananchi kuzingatia taratibu kama Kuna mwekezaji akihitaji kutwaa maeneo waitaarifu Ofisi ya Mkurugenzi ili mthamini wa serikali aweze kwenda kijiji husika Kwa ajili ya kufanya uthamini wa ardhi na  mali za wananchi zilizopo kwenye ardhi na mwananchi apate fidia ya haki.

Naye mwanasheria amewataka wananchi kufuata taratibu za kisheria pindi wanapouza maeneo Yao .