HALMASHAURI KUU CCM Nyasa yampongeza Mbunge,Manyanya

Posted on: September 13th, 2022

Kikao Cha Halmashauri kuu ya Chama Cha Mapinduzi (CCM) Wilaya ya Nyasa kimempongeza Mbunge wa Jimbo la Nyasa Mhandisi Stella Manyanya ka kazi kubwa anayoifanya ya kutekeleza miradi ya kimkakati inayoipa tija ya Maendeleo Wilaya ya Nyasa.

Wajumbe wa Halmashauri kuu ya Chama Cha Mapinduzi (CCM) Wilaya ya Nyasa wameyasema hayo tarehe 12/09/2022 katika Ukumbi wa Chuo Cha ufundi stadi VETA Nyasa.

Mwenyekiti wa CCM Wilaya ya Nyasa Fidelis Duwe amesema Kwa muda mchache Wilaya ya Nyasa imepiga hatua Kali za kimaendeleo na kuongea fursa za kiuchumi kukua.

Ameongeza kuwa Mbunge wa Jimbo la Nyasa mhandisi Stella Manyanya amekuwa mstari wa mbele kuleta miradi ya kimkakati inayoongeza kuchochea Maendeleo Wilayani Nyasa.

Ameitaja baadhi ya miradi ni Chuo Cha ufundi stadi VETA Nyasa,hospitali ya Wilaya ya Nyasa,vituo vya afyavya Kingerikiti na Liparamba, Bandari ya Ndumbi, Barabara ya Mbinga -mbamba, Barabara ya kitai Lituhia na Barabara zingine zinazojengwa.