Hali ya Lishe Nyasa inaendelea Vizuri -Dc Nyasa

Posted on: July 25th, 2024

Wilaya ya Nyasa imefanya kikao Cha tathimini ya Hali ya  lishe, kichofanyika tarehe 24 July 2024  katika ofisi ya Mkuu wa Wilaya ya Nyasa.

Akizungumza katika kikao hicho, Mkuu wa Wilaya ya Nyasa mh.Peres Magiri,aliyewakikishwa na Katibu Tawala ya wilaya ya Nyasa Bw.Salum Ismail  amesema kuwa Hali ya Lishe kiwilaya ni nzuri na   na hatua zaidi zinazidi kufanyika ili kuimarisha Lishe wilayani hapa.

Akiwasilisha taarifa ya mafanikio ya utekelezaji wa Mkataba wa Lishe  Kwa mwezi Januari-Machi, Afisa Lishe wilaya amesema kuwa watoto wote wanaopatikana na utapiamlo mkali wanapatiwa matibabu na kupona na Idara mtambuka zilionyesha ushirikiano Mzuri katika suala Zima la Lishe ,na  watoto wenye umri chini ya miaka mitano walipatiwa matone ya Vitamin A ndani ya Mwezi wa kampeni.

Aidha Kaimu Mkurugenzi Mtendaji wa Halmashauri ya Wilaya ya Nyasa bw.Pasifiki Mhapa amewataka wajumbe  wa kikao hicho Kwa Upande wa Watendaji kata kuhakikisha Wanafunzi wote wanapata chakula shuleni ili  kudumisha Lishe na Afya  ya wanafunzi.