Ded Nyasa awataka wananchi, madiwani,watendaji kukusanya mapato ya ndani

Posted on: July 14th, 2023

Mkurugenzi Mtendaji wa Halmashauri ya Wilaya ya Nyasa Bw. Khalid Khalif Tarehe 13/07/2023 amefanya Ziara ya kikazi ya kutembelea na kukagua,vizuizi vya ukaguzi wa mapato katika kata Sita za Tarafa ya Mpepo Wilayani Nyasa.

Lengo la Ziara hiyo ni kuwatembelea walinzi wa vizuizi, wanaokagua mapato ,kujua kero wanazokutana nazo ili kuweza kutatua,kuboresha na kuongeza mapato ya ndani katika Halmashauri ya nyasa.

Akizungumza wakati akikagua mageiti hayo amewataka walinzi kufanya kazi Kwa juhudi ya kulinda mapato ya Wilaya ya Nyasa yasipotee Wala kutoroshwa ili Halmashauri ikusanye vizuri na hatimaye kutoa huduma Bora Kwa wananchi.

Ameongeza kuwa  mapato ni uti wa mgongo wa Halmashauri hivyo tunakila Sababu ya kukusanya mapato ya ndani kikamilifu, na kuzuia utoroshaji wa mapato na kuongeza vyanzo vipya vya mapato.

Ametoa wito Kwa wananchi, watendaji Ngazi zote na waheshimiwa madiwani, pamoja na wenyeviti wa vijiji na vitongoji kuhakikisha wanaunga mkono zoezi Zima la ukusanyaji mapato katika maeneo Yao.

Kata alizotembelea ni Mipotopoto,(konganywita) Mpepo (darpor) Liparamba,Tingi (Lulimbo)Upolo, Luhangarasi pamoja na Kingerikiti geiti la Ukuli.

Pichani Ni Mkurugenzi Mtendaji wa Halmashauri ya Wilaya ya Nyasa Bw.Khalid Khalif akizungumza na walinzi wa vizuizi vya ukaguzi wa mapato katika kata mbalimbali,akiwa ameongozana na Mwenyekiti wa Task force ambaye pia ni Mkuu wa Divisheni ya Mipango na Uratibu Christopher Ngonyani na Meneja wa Mapato Ndugu Mashalo Matola.