DED Nyasa awahamasiaha wananchi kupiga kura tarehe 27.11.2024

Posted on: October 31st, 2024

Mkurugenzi Mtendaji Wilaya ya Nyasa Bw. Khalid Khalif amewahamasisha wananchi kushiriki kikamilifu uchaguzi wa Serikali za Mitaa unaotarajia kufanyika Tarehe 27.11.2024.

Ameyasema hayo Tarehe 31.10 2024 alipokuwa akiongea na wanachama wa vyama vya ushirika na Masoko 10 katika hafla ya uzinduzi wa kupokea mbolea mifuko 13,501 katika Kijiji cha Kingerikiti wilayani hapa, yenye thamani ya Tsh million 838,146,600 iliyonunuliwa na wakulima kupitia Vyama vya Ushirika Wilaya ya Nyasa.

Akizungumza katika Hafla hiyo Bw. Khalid Khalif amewataka wananchi kushiriki kikamilifu katika Uchaguzi wa Serikali za Mitaa kwa kuwa ni Viongozi ambao watatuongoza kwa miaka 5 na ni mwanzo wa Serikali hivyo tunatakiwa kuwa makini, na kushiriki kikamilifu Uchaguzi huu ili uwe na tija kwa Serikali na wananchi kwa ujumla.

Nachukua fursa hii kuwahamasisha wananchi kushiriki kikamilifu Uchaguzi huu wa Serikali za Mitaa hivyo tunawaomba mjitokeze kwa wingi kupiga kura tarehe 27.11.2024 ili muwezze kuchagua Viongozi bora.