DED Nyasa Akagua miradi, a awataka wananchi kushiri utekelezaji miradi ya maendeleo

Posted on: October 20th, 2022

Mkurugenzi Mtendaji wa Halmashauri ya Wilaya ya Nyasa Ndugu Jimson Mhagama Tar.20/10/2022 amefanya ziara ya kikazi ya kutembelea na kukagua miradi ya maendeleo katikaTarafa ya Mpepo Kata ya Luhangarasi,Lumeme,Tingi na Liparamba.

Lengo la Ziara hiyo ni kuhamasisha utekelezaji wa miradi ya maendeleo inayotekelezwa katika kata hizo

Akikagua miradi hiyo amewahamasisha wananchi kushiriki kikamilifu kuchangia nguvu zao na kuhakikisha miradi inakamilika kwa wakati kwa kuwa miradi hii ni ya kwao wananchi.

Miradi aliyopitia ni Ujenzi wa Madarasa 3 shule ya Sekondari Luhangarasi,Kituo cha Afya Liparamba, ujenzi wa Darasa moja shule ya Sekondari Kilumba, Mradi wa Choo Shule ya Msingi Tingi, madarasa 2 shule ya Sekondari Liparamba na Kituo cha Afya Liparamba.

Aidha katika Ziara hiyo ameambatana na Afisa Mipango Christopher Ngonyani, Mhandisi Ujenzi Allen Mshiu na Kaimu Mganga Mkuu wa Halmashauri ya Nyasa Engelbeta Ngondola.