DC Nyasa awaangukia wanaNyasa/ Wananchi Awaomba Kuwachangia wafanyabiashara wa soko la Mbamba bay mkasa wa moto

Posted on: November 18th, 2024

Mkuu wa Wilaya ya Nyasa Mhe Peres Magiri tarehe 17/11/2024 amewataka Wananchi wa wilaya ya Nyasa Kuwachangia wafanyabiashara wa Soko la Mbamba bay, ambao ni wahanga wa moto uliotokea tarehe 16/11/2024 na kuunguza bidhaa zote katika soko Hilo.

Akizungumza na Wananchi wa Kata ya Mbamba bay wilayani hapa amewaomba Wananchi kuchangia michango itakayowawezesha na kuwafariji wenzetu.

"Ndugu Wananchi poleni sana na mkasa wa moto katika soko la Mbamba bay nichukue fursa hii kuwaomba Wananchi kuwasaidia  wenzetu wafanyabiashara waliokumbwa na mkasa wa moto, kama Mkuu wenu  wa Wilaya ya Nyasa, wenzetu Hawa wamepoteza Kila kitu walikuwa na mitaji ambayo iliwawezesha kuishi, na Kwa Sasa hawana  chochote hivyo naomba nitumie fursa hii kuwaomba wananyasa waliopo Mbamba bay na sehemu zingine kuguswa na Kuwachangia ndugu zetu""

Aidha wafanyabiashara hao wa soko la Mbamba bay ambalo limeungua moto wamempongeza Serikali Kwa kuwa karibu nao na kuwafariji Kwa kipindi chote cha shida.