Balozi wa Tanzania Nchini Malawi Atembelea Wilaya ya Nyasa,Asema wananchi wajiandae kunufaika

Posted on: September 6th, 2022

Balozi wa Tanzania Nchini Malawi Humphey Polepole, Tarehe 06.09.2022 amefanya Ziara ya kikazi ya Siku moja Wilayani Nyasa, ziara yenye lengo la Kutangaza fursa za ushoroba wa Mtwara.

Akiwa Wilayani Nyasa ametembelea Bandari ya Mbamba bay na Ndumbi na kuona Miundombinu ya barabara inayotoka Mtwara hadi Mbamba bay ambayo itatumika kusafirisha shehena ya mizigo itakayokuwa ikienda Malawi kupitia bandari ya Mbamba bay.

Akizungumza mara baada ya kuona miundombinu hiyo ya bandari na Barabara amewataka wanananchi na wadau  kujiandaa kutumia Ushoroba wa Mtwara kwa kuwa kuna mipango na uhamasishaji mkubwa ambao unafanyika na itapitishwa zaidi ya mizigo ya tani Laki moja,hivyo wadau wajiandae kufanya biashara mbalimbali husani wilayani Nyasa na Mkoa wa Ruvuma .

Ametoa wito kwa Mamlaka ya Bandari Tanzania kujiandaa kupitisha mizigo mikubwa kutoka kwa wafanyabiashara wan chi ya  Malawi na nchi zingine za jirani kama msumbiji  pia wako tayari kutumia Ushoroba wa Mtwara

Kwa upande wake Mkuu wa Mkoa wa Ruvuma Kanali Laban Thomas amesema Mkoa umejipanga kuhakikisha bandari za Ndumbi na mbamba bay zinatumika a kuhakikisha kuwa bidhaa kwa kukuza kipato cha wananchi.Aidha amejipanga kuhakikisha bidhaa zitakozokuwa zinahitajika Nchini Malawi zinapatikana  na kuweka maeneo maalum ya kufanyia biashara.