SERIKALI yaanza kutekeleza Mradi wa Maji Likwilu ili Kutatua kero ya Maji.

Posted on: July 12th, 2021

Wakala wa maji na Usafi wa mazingira Vijijini (RUWASA) Wilayani Nyasa wanatekeleza Mradi wa maji katika kijiji cha likwilu kata ya Kilosa,  ikiwa ni Utekelezaji wa Ahadi aliyoitoa,  Naibu Waziri wa Maji Mhandisi, Maryprisca Mahundi alipofanya Ziara tar, 24.04.2021 katika Kijiji cha likwilu Wilayani hapa.

Naibu Waziri Mahundi aliahidi, Serikali itatatua kero ya Maji waliyomwambia kwenye mkutano wa Hadhara kijijini hapo, kwa kutoa milioni mia tatu. Kwa ajili ya kutatua kero ya maji katika Kijiji hicho.

Kwa sasa hatua iliyofikia ni kununua vifaa na Vitendea kazi kwa ajili ya kutekeleza Mradi huo unatarajia  kukamilika Septemba 30 mwaka huu.

Kukamilika kwa mradi huu kutatatua   kero ya maji ya kijiji cha Likwilu na vijiji jirani. Pichani bomba za kusambazia maji na kutatua changamoto ya maji katika Kijiji cha Likwilu.